Archivio dei filosofi del Rinascimento

/p. 223/ Ea est: ex galli semine, quod in ovo est, pullum

generari, quandoquidem ex ijs duntaxat ovis

pulli generantur, quae gallinacei semen continent,

nec adeo debile illud est ut vitelli et albuminis

ope indigeat ad pullum efformandum.

Alex. – Sunt qui dicunt ex ovi putredine generari

pullum. I. C. – Mentiuntur. Fracto namque

putamine, corruptum nihil intus invenitur, sed

perfectum; corruptum intelligo, sicut in putrefactione.

Alex. – Estne alius avium procreandi

modus? I. C. – Maxime. Apud Belgas sunt

corniculae, quas monedulas vocant petraeas,

quod in excavatis petris, non in arboribus nidulentur,

vulgo «steencauwe»; hae, non caeterarum

alitum more in dorsum insilientes compressoque

foemellae corpore venerem perficiunt, sed

conniventibus fixisque oculis se obtuentur atque

ita foemina ex maris oculis lachrimas ac

rosidas guttas continuo obtutu elicit, quas absorbet

et sic concipit. Alex. – Mira narras et

non credenda. I. C. – Parum abest a vero suspicio.

Alex. – Audesne fabellam hanc veritati constituere

asseclam? I. C. – Placido animo rationes

excipias: seminis materiam e cerebro suppeditari

apud non ignobiles Philosophos receptum

est. Sane qui aliquam in cerebro offensionem

accepit, infoecundus redditur; hinc fit ut ijs venis

et arterijs, quae pone aures sunt, resectis aut

exustis, foecunditas adimatur, ut de Scythis

Hippocrates prodidit. Forma seminis, quae illud efficit

ad generationem idoneum, spiritus est per totum

corpus diffusus; quapropter spumescens