Archivio dei filosofi del Rinascimento

/p. 257/ corpori affigat. Novi matronam, quae ex

leporis obtutu, infantem edidit labello supremo

bifido ac bifurcatim dissecto. Alex. – At

cur aliqui nascuntur geminis membris, quae

redundant ac supervacanea sunt? I. C. – Illorum

matres in conceptu vel gestationis decursu

dupla rerum simulacra in animo conceperunt

vel eorum oculis se obtulerunt ex suffusis

crassis vaporibus vel cum distractis

divulsisque spiritibus, qui in pupillae punctum

dirigi debebant, cernendi aciem diffindi

ac dissecari contigit, quare geminatam illam

speciem una cum humorum confluvio,

qui in eas partes circa quas imaginum conceptus

versatur, decumbunt, ad foetum devolventes,

eius etiam partibus affabre elaboratis

tanquam secundariam operam vel operi

appendices affixerunt. Si mulier imaginatae alterius

speciei membra emoliri valet, ut a te conspectae

oviculae belluae marinae caput habentis

exemplum testatur, cur non eiusdem duplicatas

particulas? Alex. – Sed cur nonnulli producuntur

animantes imminutis, inutilibus,

truncis decurtatisque membris? l.C. – An

non satis uberem seminis materiam Natura

nacta est? an id evenit ex defectu humorum

atque alimenti fomentique penuria? an naturales

facultates in elaborandis articulis sunt

invalidae, suisque viribus minus instructae? An

his omnibus dotibus ac facultatibus affatim

Natura insignita erat, uterum tamen consecuta

est angustum, splenem induratum ac