/n. n. 4/ baccis inescati, a iucundissimo Musarum
consortio avelli nequeant.
Quas admirabiles huiusce Reginae
Dominaeque mortalium dotes maiores
nostri secum animo depingentes,
ut illius amplexibus nectare et ambrosia
suavioribus perfruerentur, omnes
labores suscipiendos, omnes molestias
exhauriendas, omnes difficultates
calamitatesque exsorbendas, omnia
denique pericula pretiosa duxerunt.
Pythagoras ex Samo in Aegyptum,
ex Aegypto in Cretam, ex Creta
in Lacedaemonem, ut sapientes ubique
terrarum et gentium audiret
disserentes, longissimis iuxta et difficillimis
itineribus proficisci non dubitavit. De Platone quid dicam? qui,
Athenis relictis, Italiam, Aegyptum
aliasque regiones sibi putavit esse peragrandas.
De Thebit Bencorat Arabe
quid memorem? qui quadraginta annorum
spatio, in editissimi cuiusdam