Tommaso Campanella, Syntagma, p. 48
impressionem
Francofurtensem melioratis, dedit amicus bibliopolae
Lugdunensi Antonio Soubron
anno 1622; qui tamen, uti promiserat,
nondum illos edidit, sed defunctus haeredibus
reliquit, a quibus nondum
hos recuperare potuimus.
Sub idem tempus, cum
positiones astronomicas Chaldaeorum et
Pythagoraeorum ac Aegyptiorum considerassem
nostrasque physicas
observationes, composui Astronomicos libros quatuor, ubi explosis epicyclis
et excentricis
Ptolomaei, item Copernici motibus Telluris et librationibus,
Aristotelisque ac
aliorum circulis homocentricis, et Kalippi Eudoxique
positioni additis
revolventibus, novum systema construximus et
recentiorum phoenomenum rationes
reddidimus, ex uno descensu Solis
incessabili, sed irregulari, ad Telluris (quae
est centrum odii, sicut Sol est
centrum amoris) combustionem. Hos libros abstulit
domesticus quidam
Nuntii Apostolici Neapolitani, missus ad perquirendum scripta mea
in
Castro Ovi anno 1611, nec quidquam ex ipsis recuperare potui aut scire
quid
actum fuerit; haberi tamen potest positionis nostrae sensus ex Physiologia
et Metaphysica.
Praeterea Quaestiones super Physiologiam, Ethicam, Politicam,
Oeconomicam,
et Civitatem Solis
scripsi, distinctas similiter in partes quatuor, contra
sectarios antiquos ac
modernos, pro philosophia sanctorum tuenda,
quam tradidimus epilogistico stylo in
praefatis libris per Tobiam editis:
horumque exemplaria, nondum tamen perfecte
concinnatorum, extant
apud Tobiam, Favillam et Scioppium; sed nunc meliores illos
fecimus ac
digniores qui praelo tradantur.
Paulo post Neapoli scripsi Metaphysicam vulgari sermone in tres partes
et libros
quindecim distinctam, ubi de principiis essendi, cognoscendi et
operandi, ac supra
Necessitatem, Fatum et Harmoniam, primitus mibi
excogitata, tunc posui causas et
principia et primalitates entis. Hanc autem