Tommaso Campanella, Syntagma, p. 50
accepit a me anno 1603
Hieronymus Tufo, Lavelli marchio, nec unquam
reddidit, sed, ipso defuncto, per
servum nomine Gallum subrepta,
data est Ioanni Baptistae Heredio Pisano Appulo, ut
rescivi postquam
novam Metaphysicam Latine coepi scribere
anno 1610, quae tamen statim
ab Nuntii quodam aulico rapta periit.
Deinde
rescripsi illam in meliorem formam, ac parte illius prima de
vero sapiente egi et
quomodo agnoscendus. Item de scientiae acquisitione,
utrum illa detur secundum se
an secundum nos tantum, an utroque
modo, et de Scepticorum, Protagorae,
Platonicorum et omnium super
hoc opinionibus disputavi; item de principiis sciendi
per categorias, ubi
Platonicas, Peripateticas, Epicureas, Lullianas et Architae
categorias cum
nostris examinavi; item univocis addidi analoga et tractatum de
primalitatibus
et essentiatione, de principiis et principiatione, de causis et
causatione,
de effectibus, seminibus, occasionibus, conditionibus, et de
natura
et arte. In secunda vero, de ente et non ente, et de existentia; item
de horum causis, principiis et primalitatibus; item de obiectis, uno, vero
et bono,
deque oppositis; item de magnis horum influxibus, necessitate
et contingentia, fato
et fortuna, harmonia, casu et sorte; item de basibus
existentiarum, ut de
quintuplici mundo, videlicet situali, materiali,
mathematico, mentali et archetypo,
interius exteriusque ordinatis et
complexis. In tertia denique parte, de principio
et fine entium omnium
et non entium; de ideis, de intelligentiis, de illicibus, de
mentibus corporatis;
de vitis humanis, divinitus, coelitus et angelitus et
diabolitus et
humanitus et bestialitus comparandis; de gubernatu mundi et
systematum;
de religione, de prophetis, de legislatoribus horumque examine; de
beatitudine et reversione rerum ad Deum, de immortalitate animorum,
de mundis, de
seculis seculorum: et haec iuxta omnium gentium opinionem
et scientiam et
revelationem. Accepit libros hosce Tobias a Gregorio
Costa, sed non edidit, quoniam
scripsi me eos in meliorem doctrinam
redactos penes me habere.
Praeterea
libros undetriginta scripsi De theologia iuxta metaphysicam