Tommaso Campanella, Syntagma, p. 58
respondentes quaestionibus variis. Similiter misi ad Antonium Persium
Apologeticum pro suo libello De potu calido.
Itemque alium ad Paulum V
Pro regimine Ecclesiae, quem dedi Scioppio; sed hunc postea
meliorem
reddidi per aphorismos concinnatum.
Tandem vero, post annos sex,
Neapolim venit Tobias Adamus et Rodulphus
Binanius, nobiles Germani, ex
peregrinatione Hierosolymitana;
dedique illis quae Scioppio antea concesseram, et
insuper Metaphysicam,
Philosophiam realem, Medicinam, Astrologiam et multa opuscula epistolaria,
fueruntque ipso
diligentiores, quoniam Philosophiam realem publicaverunt,
et
libros De sensu et partem Canticorum et
Prodromum, quem
a me non acceperunt. Scripsi etiam Apologeticum pro carminibus Virginii
Caesarini in nuptiis principis Ludovisii; et alterum ad
cardinalem Bellarminum
Contra censuram librorum meorum missorum ad Congregationem
de propaganda fide. Demum vero perfeci iterum Metaphysicam
eamque
omnibus numeris absolvi.
Articulus 4
De tempore et occasione scribendi libros in senectute et post adeptam
libertatem
Affulgente postea rebus meis feliciori sorte, libertatem,
favente optimo
meo Maecenate Urbano pontifice VIII, iubente Philippo IV,
Hispaniarum
rege, ipsiusque mandata exequente duce Albae, et auxiliantibus
multis