Tommaso Campanella, Syntagma, p. 64
scripseram Neapoli syntagma: Cur
sapientia et virtute eximia praediti, benefactores
generis humani, in magnis temporum articulis, violentam mortem
sub
praetextu laesae maiestatis divinae et humanae incurrunt, ac postmodum
cultu
et gloria reviviscunt:quem tractatum vix
bene recordor apud quem reposuerim.
Item scripsi ad cardinalem Mellinum opuscula
duo: unum De canonisatione
sanctorum, alterum De utilitate potus calidi
adversus medicos,
extemporaneum, tertiumque ad alium amicum subiunxi De aulicorum
technis,et Orationem
pro Rupella recepta, quam alius suo nomine recitavit,
itemque quatuor Orationesde laudibus divi Thomae, studio Seraphini mei
Neapoli
recitatas et a Favilla deinde conservatas.
Postremo volumen ingens Commentariorum elaboravi super poëmatibus
Urbani VIII, continens expositiones grammaticas et philosophicas
utilissimas
sane poëtis, oratoribus, physiologis, politicis, praedicatoribus,
theologis,
mathematicis, et mores bonos curantibus ac scientiarum
instaurationem,
quas quidem prae manibus adhuc habeo.