/p. 31/DIALOGUS VII.
De Sole, Luna et Astris.
Alex. –
Perlegi quidem his Paschalibus ferijs
tuos Astronomicos libros, Argentorati
elegantissimis typis excussos, in
quibus admiranda et divina sane
de sideribus enarras. Honestissimo tamen
addiscendi desiderio excitatus, quasdam difficultates,
quae non nisi tua opera mihi extricari
et planae fieri possunt, nunc coram te, qui maximo
omnium consensu bonarum literarum
Dictator es iure merito, elucidandas dijudicandasque
profero. I. C. – Perlonge sum ab his laudibus,
sed quanto longius et remotius, tanto propius et
ocius properabo, ut tibi inserviam. Alex. – Merito
te amo, mi dulcissime Iuli, nam totus quantus
es, benignitas et sapientia es. I. C. – Si quas dicis
possiderem dotes, tuis potius quam meis
ornatus incederem virtutibus conspiciendus.
Sed, age, quaeso, relictis his laudum ambagibus,
descendamus in arenam disputationis, propone
istas, quas cupis enodari quaestiones ut saltem
nostra ingenia exercere valeamus. Alex. –
Sic faciam profecto. I. C. – Quandocunque libuerit.
Alex. – Imo vero nunc sic incipio et quaero,
an Sol per se calefaciat, an per accidens, per
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |