/p. 85/ Parcius sane matutinis horis bibendum,
non tamen vini usum prorsus interdicendum,
nam et cor exhilarat, collapsas vires reficit et
indigesti fortassis cibi concoctioni saepenumero
opitulatur. Alex. – Bibamus igitur. I. C. – Prosit.
Alex. – Regia sane mensa vinum dignissimum.
I. C. – Non regalis copiae, sed philosophicae
paupertatis hic noster apparatus te memorem
faciet. Alex. – Paucissima natura mane
exigit tantumque foveri pauxillo alimento
postulat, ne calor naturalis conflaccescat. Hilares
nunc disceptationem prosequamur. I. C. –
Libentissime. Heus, pueri, isthaec intro auferte.