/p. 394/ appropinquante ortu vel interitu Regum, fere
semper prodigia apparuisse. Quare apud Catholicos
etiam haec viget opinio, Principibus
duos datos esse custodes Angelos; itaque
eos commonefacere debent de futuris eventibus.
Cumque dicat Philosophus hominem
prae caeteris animalibus plures habere operationes
atque ideo multis indigere – nam
ipsemet Aristoteles et Plato in Politicis asserunt
diversas secundum speciem operationes melius
a diversis artificibus, quam ab uno solo
perfici – ideo operae pretium erat, ut nonnullis
praeclarissimis viris eam conferrent potestatem,
qua futuros rerum eventus Reipublicae
denunciarent. Hoc autem coelestibus
corporibus factu facillimum est. Si enim illa
herbis et lapidibus quibusdam futura praesentiendi
facultatem impertiunt – ut ex gravissimorum
virorum testimonio et experimento
Albertus comprobat – quanto facilius homini,
qui, cum sit medium inter aeterna et corruptibilia,
aptior est ad similes coelestes impressiones
excipiendas. Confirmatur nam
Plato in Menone ait Poëtas nasci, cuius rei signum
est, quoniam multoties quae dicunt ignorant.
Idem in Phaedro asserit Vates, Sibyllas
et Augures a furore duci, mente commotos et
ecstasi correptos appellans. In Ione poësim
dicit rem sacram esse, Dei nuntios Poëtas appellat
et non nisi Deo plenos canere asserit. Alex. –
Vera haec sunt, nam et Ovidius scripsit:
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |