/p. 469/ ex ijs autem tetros effici spiritus materiae qualitas
praeostendit. Praeterea ex superstitione ieiunant;
ieiunantium autem anhelitum ingratissimum
esse et Philosophus dixit et unusquisque
quotidie in se experitur. Insuper strigae
illae pessimae invisunt cimiteria et funera
defunctorumque corpora pertractant, ex quibus
cum exhauriant putridum odorem, non
mirum si consimilem ipsae spirent. Ad haec inhabitant
in vallibus limosas casulas et sub nucum
arboribus noctu immorantur. Illarum
autem umbra cum sit turbulentissima (vapores
enim attrahi nequeunt a Sole ob frondes
spissas) eis obest maxime in nocte ob circumstantis
aëris frigiditatem et cerebri etiam.
Evocati enim sunt tunc temporis ab anima spiritus
ad cibi concoctionem, a coena enim illae
eo confugiunt ut et plurimum, currentes et
quasi Libero patri orgia celebrarent debacchantes;
qua de causa pori aperiuntur, in quibus
facile postea cum ad nucum umbras perveniunt,
tetri illi vapores penetrant et putredinem
in eis congenerant, hinc crebris obnoxiae
iacent aegrotationibus. Rustici vero in
peccati poenam id accidere putant, etsi adulteros
et homicidas conspiciant robustos atque
valentes. Alex. – Esto. Quid inde? I. C. – Cum pessimum
spirent anhelitum molliusculos iuvenes
tacite inficient, quare in puerulos maxime
suam potestatem exercent, non ex Daemonum
mandato, nullam enim in peccati expertes,
quales sunt pueri, iurisdictionem obtinet, sed