Tommaso Campanella, Syntagma, p. 54
tollentia lites inter laicos et
ecclesiasticos principes, disputavi. Sed cum
a cardinale Bellarmino reprehensus
fuisset prior ille contra atheos, mox
Romam veniens, anno
1626, post libertatem adeptam, ex licentia superiorum
defendi, typis tradidi,
exiitque anno 1630: et nunc pro aliis colligendis
in sexto tomo laboro. Addidi
libellum De iuribus regis Catholici
in novum orbem, contra adulantes et adversantes. Praeterea
scripsi Neapoli in
Castro Ovi Philosophiam rationalem in
quatuor partes; et addidi quintam
in Arce Nova, videlicet Logicam, Rhetoricam, Poëticam, Historiographiam
et Grammaticam,quas habent etiam
Pyromallus et frater Thomas Pignatellus
ac alii, sed partes tantum aliquas, non
omnes, quemadmodum
etiam et Tobias Adamus, qui Grammaticam
nimium festinans exscribere
non potuit: atque has artes iuxta propria
principia ex nostra metaphysica,
per naturam et Scripturam faciliores, breviores et
resolutiores puto me
perfecisse. Addidi etiam Compendiolum
physiologiae tironibus recitandum,
quod, tanquam alicuius momenti foret, a
me nuper accepisti, in tua bibliotheca
conservandum.
Ulterius deinde
progrediens instaurare coepi mathematicas scientias
metaphysica ratione fundandas,
et unum modo libellum scripsi; caeteros,
si coeptis Deus aspiret, editurus, in
quibus de ipsis tractabo per numeros,
mensuras et pondera, triplici volumine rem
omnem explicans.
Sed postea, convertens me ad politicam specialem regni
Neapolitani,
scripsi opusculum de illius regimine ad comitem de Lemos, nomine
magistri