Tommaso Campanella, Monarchia di Francia, p. 524

Precedente Successiva

Hispanis daret, sategit. Missis quippe 40 milibus armatis sub Collalti
Comite, invasit Italiam, ubi ter aut quater decies centena millia hominum
occidit bello, fame, peste, ut saturaretur Hispanus. Sic et Imperium
victoriosum contra haereticos iam prostratos exarmavit exposuitque
Regi Sueciae et protestantibus in praedam, dum a pugna
contra haereticos ad pugnam contra Christianos pro Hispanis, Mantuam
tyrannice affectantibus, exercitum revocavit, qui et ad Romae
exitium pervenisset, nisi Tua, Beatissime Pater, fortis prudentia et nostri
timor coërcuissent. Nonne haec satis declarant nec pro Imperio nec
pro fide, sed pro Hispanismo Austriacos Imperatores pugnare?
4. Qui (adde) deinde per cardinalem Borgiam ausi sunt impudenter
in S. Consistorio exprobare Sanctitati Tuae imponereque, quod
esses causa malorum Imperii ab eis in praedam Suecorum militia
amandata derelicti, nisi dares illis totam sancti Petri pecuniam (vide
astutiam impiam), ut inermis redditus status Ecclesie Romanae ipsorum
novae depopulationi praeda fieret.
5. Praeterea Cardinales Hispanos stare non pro Ecclesia, sed pro
Hispanismo, cuius sunt in Urbe exploratores et fautores, et propter
hoc Ecclesiae proditores, nosti Tu, Sanctissime Pater. Qui ergo sic
commaculant Ecclesiam, ut membra eius faciant membra fornicationis
cum principibus terrae, curantne Ecclesiae bonum?
6. Praeterea simul contra regnum Galliae excitabant Sanctitatem
Tuam, in quo semper incolumitas Ecclesiae viginti tribus vicibus de
manibus impiorum et

Precedente Successiva