Tommaso Campanella, Syntagma, p. 60
sanctae Romanae Ecclesiae cardinalibus, praesertim vero
efficaciter negotiante
Innocentio Maximo episcopo Catanensi, consecutus sum
anno
1626, die 15 maii. Mox Romam accelerans, scripsi in Sancto Officio Ad libellum
Parlamenti pro Rege Christianissimoanimadversiones. Item librum De
fato siderali vitando, quem mutuatum insidiosus frater una cum
sex libris
astrologicis, ut odium Urbani VIII, sapientissimi
pontificis eoque nomine
astrologiam detestantis, mihi conciliaret, typographo dedit
Lugdunensi,
a quo publicatus est, ac simul me accusavit inobedientiae circa
impressionem
et superstitionis circa impressas res; quare hunc, ut a me minime
impressum, pro meo accipere nolui, et Apologiam feci, quam
delecti duo
censores approbavere.
Praeterea scripsi opusculum De titulis ad Virginium Ursinum, cum
praesciret velle Urbanum
VIII titulum novum cardinalibus asserere. Item
opusculum De
assistentia dominorum Cardinalium in curia et de non residentia
in episcopatibus, nisi ubi ociantur Romae,
per canones, theologiam et
politicam. Item opuscula duo, unum vulgari sermone: An praestet baronibus
et populis vivere sub ecclesiastico, an sub laico quocumque alio
dominio;
aliud latino: Quod libertas sub papatu maior est
quam sub quocumque alio
principatu an republica;quae opuscula
habes nunc penes te, Naudaee
charissime.