Tommaso Campanella, Prodromus philosophiae instaurandae, p. 3
AD PHILOSOPHOS
GERMANIAE
PRAEFATIO.
Tanta est Opificis et Magistri huius quam incolumus
Domus
nostrae Bonitas, ut quamvis
natura sua infinities ab his visibilibus discretus
sit, passim tamen in hac mortali etiam rerum
serie vestigia adorandi Characteris
sui
pernoscenda praebeat. Sepositis aliis rebus innumerabilibus,
sola nunc
humana, eaque ex parte consideremus opera.
Ex quo Mundus coepit, omni tempore
intercoalitam
humanae gentis societatem aemulatio quaedam fuit quasi
tacito
quodam instinctu Potentiae Magnae, quae quamvis a
multis
hinc inde variis tentata esset modis, non tamen nisi
Summa Illa et Prima Potentia
dirigente certis tantum
et paucis contigit, idque statis periodis ad suum finem,
de
quo alias, et ambulanti vicissitudine, admiranda item partium
inter sese et
cum toto Harmonia, sicut illis qui Monarchiarum
et Rempublicarum ambitus iudicio
penetrantiori
considerant, obscurum esse non potest.
Pari passu cum Potentia, Sapientia etiam ambulavit. Haec