Tommaso Campanella, De sensu rerum, p. 100
nullam. Et in Ecclesia Christi sapientiae Dei, haeresis reputatur
iuxta naturae legem haec opinio, nisi Deus
per iustitiam hoc efficeret
aliquando, sicut et Daemones in corpora humana et
brutorum saepe
ingrediuntur. Authoritas Salomonis sensus
mysticos claudit, sed ad
literam intelligitur sic: quod cum esset puer probus bene
operando
magis, ac magis sortitus est animam bonam, quoniam semper perficitur
et
fit melior anima bonis operibus: et venit haec anima bona, vel
potius, bonitas, in
corpus purum. Nam prave compositum corpus
vitiosumque temperamento aut scelere,
repugnat probitati, quam
Deus paratus est elargiri: Caeterorum sententias, quod
peccaverint in
aula Dei, et post mille quoscunque annos, aut post decem millia
transmigrent,
hic disputandas non censeo; Oporteret enim disserere de
periodis
exorbitantiarum coelestium, et num mundus restauretur in
novam formam, septem post
millibus quibusque annis, aut post 49.
millia, aut post 25816. aut post 36000. sicut
diversi opinatores scribunt.
Hoc autem in libro de Astrorum
motibus , et in Metaph.disseruimus. Hic vidisse satis, quod rebus in omnibus insit sensus, et
homini
anima belluinis longe divinior. Transmigratio damnatur
a
Theologis, et Origenes , sic hanc affirmat. Nec credo
posse rationem
demonstrativam afferri, qua deus animas corporibus immittat,
ubi
captivae in carcere, et morte detinentur; ut apostolus Paulus
significat,
et Salomon , et Plato
ac Trismegistus , qui et corpus, pottatrie
sepulchrum
appellat; et memo sapientum hoc non dicit. At dum considero
spiritum
a sole ingeneratum corpus formare, et vivere in carcere,
et in eo gaudere, sicut
plurimos vidi remigantes libenter in triremibus
vitam ducere, altosque in diutino
carcere, quoniam pene obliti
ignorant libertatis bonum, nec confidunt aliam insuetam
inire vitam
quamvis meliorem: Nec Deum tatam Animalibus sapientiam
indidisse, ut
mortem cupiant, sicut homines, tanquam libertatis initium:
Intelligere possum alium
nihil nisi Deum propter gloriam suam,
et quasi per ludum immittere animas
corporibus, utque sibi ipsis merita
comparent, dum quasi intra vallum praeliantur,
et a Deo distantes
ipsum recognoscunt et reverentur, et operantur omnia in
gloriam
tanto dignam patre. Figura quidem hominis coelum spectans, non
curva in
terram sicut belluarum, declarat coelestem animam hominis,
coelo inhiantem: sicut
Anatis collum factum est oblongum, ut sub aqua
vermiculis vescatur, et rostra
ciconiarum longa, ut serpentes illaesae
captent, et proboscis Elephanti, ut sit illi
manus non petenti flectere
molem ingentem corporis: et os oblongum canibus ad
venationem
porrectum; omniaque animalia disposita sunt in figura ad
proprium
finem. Unde Physionomia humana cum belluina communicat,
et ex eis
syllogizamus. Igitur homo natus videri debet, ut consideret
coelum et divina entia;
Item Vesalio teste, plus cerebri habet, quam