Tommaso Campanella, De sensu rerum, p. 157
eas immutet iussionem. Nec miraculum alia creata causa facere
potest,
nisi quatenus est amica primae causae, ipsiusque auctoritate
et nutu interiori.
Creare enim atque intrinsecus transmutare absque
violentia, munus est proprium
duntaxat Primae Potentiae, Primae Sapientiae,
Primi Amoris: Quo res cunctae constant
et cui intrinsecus
obediunt. Hanc autem Magiam non esse naturalem, ut Plinio et
Avicen. et Pomponatio videtur, palam est in eo, quod nemo
valeat
mortuos resuscitare, aridos solidare, maria exsiccare, flumina in
sanguinem
convertere, virgulta in aurum, coelo et ventis imperare,
simplicibus
tantum verbis, ut amici Dei fecerunt. Unde falso de Deo
queruntur
homines quod hanc scientiam invideat nobis, ut Symonides
;
vel quod cum sit Pater noster non comparet ad docendum
nos ea, quorum
avidissimam appetentiam nobis indidit. Non enim
defuit nobis unquam Deus, sed nos
nobis. Nam cum sese revelasset
factus homo, ne quereremur quod esset inaccessibilis,
et iuxta desiderium
nostrum quaecunque cupiri possunt, docuisset; non tamen
credimus,
propterea quod non docet nos, uti nos volumus, sed ut ipse
vult; et
cum vix discipuli simus, legem praeceptori damus, et aegroti
medico consulimus. Porphyrius , ut miracula faceret, scientias nos
Deo
copulantes inquisivit, abiecta sapientia Christianismi; nec tamen
ipse patravit unum
ex his miraculis, quae minimus Christianorum
fecit.
~ Quapropter nec modus nec
res desunt ad tantam sapientiam coelitus
comparandam. Nam Christi
mysteria Magiam divinam continent,
ut expertis patet; at qui bonitatem Dei
condocentis laudare
debemus, frustra et perniciose modum quaerimus, quo sit factus
homo,
ut Deificemur, et quid, et quomodo virtutes in Sacramentis esse
possint,
et quod cupimus, respuimus.
Quod autem Pomponatius
Avic. et alij impietate imbuti putant, miracula vera ab hominis fide
naturali,
proficisci, mendacium est. Non enim suscitatur Lazarus ,
neque
in sanguinem fluvius vertitur, quamvis mille homines ita firmiter
credant
et precentur inaniter. Quod saepe vidimus, ut in illis qui falso
Moysi novo credebant Iudaeis: qui summa fiducia Creticum mare
intrantes,
necati sunt. Sic et qui Dulcino tanquam
Prophetae adhaeserunt,
et Io. Leidensi . Solam animi proprij passionem fides naturalis
mutat,
sicut amor et caeteri affectus faciunt. Exteriora vero nequaquam
nisi ad quae
operatio animae per corpus pertingit, ut qui per vapores
ex oculis egressos prave
tenellos pueros afficiunt.
~ Quapropter imaginatio non tantum valet, quantum Avic. et sequaces
credunt. Vide Metaph. nostram . At Pomponatius cum
caeteris
huius farinae putant miraculorum patratores temperamenti
virtute
purissima Elementorum, et caelesti influxu praeditos miracula
efficere:
Sicut pes Pyrrhi Regis liene laborantes sanabat;
et manus Regis