Tommaso Campanella, Lettere, n. 164

Precedente Successiva

A POMPONE II DE BELLIÈVRE,
AMBASCIATORE DI FRANCIA IN INGHILTERRA, IN LONDRA

Parigi, 2 giugno 1638

Illustrissime atque excellentissime domine,

quoniam proficiscens in Angliam non es usus opera mea, quemadmodum
olim, cum Italiam peteres, cogor nunc, humanissima benignitate soceri
tui excellentissimi illectus, epistolam ad serenissimam Reginam Excellentiae
Tuae committere. In qua hortatur Sua Maiestas, ut officia
incoepta pro religione catholica, cum iam humanitus et divinitus potentior
sit, amplificet; ac quibus rationibus ex theologia et politica suadendum
esset serenissimo Regi marito, ut libertatem conscientiarum in regno
suo promulgaret, aperitur: alioquin incessantibus non vacat periculis. Excellentia
Tua leget, reddetque, si videbitur, utile consilium. Hanc epistolam
anno praeterito Setonio Scoto catholico, qui multis annis Romae moratus
fuerat, credideram, promisitque non ignaviter Dei causam acturum.
Credo usus est, tanquam sua, insinuatione mea; nam et comitem D’Egmont,
qui sustentat illum pecuniis suis missum pro negotio magni momenti,
decepit atque me; nec illi nec mihi respondet. Rogabo interea Regem
hominum atque deorum, ut te tuosque labores pro reipublicae ac religionis
bono sospitet fortunetque. Vale.

Die 2 iunii 1638.

Excellentiae Tuae
humilissimus servus in Domino
F. T. Campanella
[A tergo:] Excellentissimo domino de Bellievre, Christianissimi Regis oratori
apud Regem Angliae. Londinum.

Precedente Successiva

Scheda informativa

Schede storico-bibliografiche